Mynta ka sngi 30/03/2024 ki nongialam jong ka seng Hynñiewtrep National Youth Front- West Jaiñtia Zone (HNYF-WJZ) kila hiar sha kawei ka Petrol Pump kaba don ha shnong Khliehtyrshi ha u surok Jowai Bye-pass, ha West Jaiñtia Hills na ka bynta ban jurip ia ki bar jylla ki ba wan trei bylla ha katei ka pump la ki don ne em ia ki kot ki sla kiba biang ban ioh trei bylla hapoh ka Jylla Meghalaya.
Ha ka jingiadei bad kane ka seng ka la lap ia ki 7 ngut ki bar jylla kiba wan ban trei ia ka kam niat rong ha katei ka Petrol Pump bad kine ki bar jylla kim don satia ia ki kot ki sla kiba biang. Kumta na ka liang ki nongialam jong ka seng HNYF West Jaintia Zone mar mar kila beh krad bad phah leit phai noh ia ki sha ki shnong ki thaw jong ki.
Kane ka long katkum ka jingpyllait khubor na u samla Salmon Rymbai uba dei u Publicity Secretary ka HNYF-WJZ.
