U President barim ka KSU bah Lambokstar Well Marngar haba kren sha ki lad pathai ha ka 26 tarik Nailar 2026 halor ka jingdawa ban pynduh pyndam noh ia ka Public hearing jong ka Shree Cement bad kumjuh ban Suspend ia u DC bad SP ka East Jaintia Hills.
Ha ka jingiakren u Bah Lambokstar Well Marngar u la pyntip ba ka Sorkar kan sa thaw da ka jingtohkit independent inquiry bad yn khlieh da kiba long laitluid bad u DC bad SP kin ym don bynta ei ei ruh em bad kumjuh ki nongialam na kitei ki shnong bad kumjuh kane ka komiti kam dei ban peit bad tohkit tang ia ka jingjia jong ka public hearing bad kumjuh ruh kane ka komiti ka dei ban peit ia ka jinglong jingman ka mei mariang kaba don ha katei ka thain.
Nalor kata u la ong lyngba kane ka Fact Finding Committee lada ka lap iano iano kiba bakla lynti khamtam ha kato ka public hearing kin ngat ha ka jingpynshitom, la pynpaw ha ka jingiakren bad ka Sorkar.