U Guatam Adani u la kylla long u briew ba riewspah duh hapoh ka dewbah Asia hadien ba u la knieh ia ka nam na u Mukesh Ambani, napdeng ki Billionaire jong ka thaiñ, iathuh ka khubor Economic Times.
Ia kane ka jinglum jingkheiñ la lumthup da ka Bloomberg Billionaires Index dang shen. Mynta u Gautam Adani ula kot sha ka $92.6 Billion ka jingdon jingem jong u, kaba la iarap ban kyntiew ia u sha ka kyndan kaba halor duh hapoh Asia bad ula wan ha ka kyrdan kaba 19 napdeng kiba riewspah tam ha ka pyrthei.
Katba u Mukesh Ambani ula hiar sha ka kyrdan kaba 20 napdeng kiba riewspah tam ha ka pyrthei bad ka jingdon jingem jong u ka kot $90.8 Billion.
Ki briew kiba riewspah tam ha ka pyrthei kiba don hapoh ka thup ba 10; ki long u Elon Musk uba ka jingdon jingem jong u ka kot sha ka $656 Billion, bud sa u Larry Page $286 Billion, nangta u Jeff Bezos, u Sergey Brin, u Mark Zuckerberg, u Larry Ellison, u Michael Dell, u Jensen Huang, u Bernard Arnoult bad u Jim Walton.