–Ka IIM Calcutta Innovation Park ka ïasoh bad ka jingthmu CSR ba kongsan jong ka Kotak kum ka paralok ba pynroi, kaba pynïar ïa ka jingpoi jong ka ha kylleng ka thaiñ mihngi bad shatei lam mihngi jong ka ri India–
Ka Kotak Mahindra Bank Ltd. (KMBL/Kotak) ka la pynbna ïa ka Season 3 jong ka Kotak BizLabs Accelerator Programme, kaba long ka projek CSR kaba ha khmat eh jong ka ban kyrshan ïa ki kynhun treikam ba thymmai kiba dang sdang ban pynmih pisé. Ka Season 3 kan sdang naduh u Nailar 2026 haduh u Risaw 2027 bad kan kyrshan ïa palat 100 tylli ki kynhun treikam ba thymmai ha kylleng ka Ri India lyngba ka jingai jingmut, ka jingpynïasoh bad ki ecosystem, bad ka jingïarap pisa ban pynkhlaiñ ïa ki.
Ha kane ka Season 3, kin don san tylli Incubation Partner kiba kynthup ïa ka IIM Calcutta Innovation Park, CIIE Initiatives (IIMA Ventures), IIMBI/NSRCEL na IIM Bangalorse, T-Hub bad FITT na IIT Delhi.
Naduh ba la sdang ïa ka Kotak BizLabs Accelerator Programme, la ïoh pdiang palat 4,500 tylli ki aplikeshon na ki kynhun treikam ba thymmai na kylleng ka Ri India, ka la pynkhlaiñ ïa palat 125 tylli ki kynhun treikam ba thymmai kiba don jingkyrmen, bad ka la ai jingïarap sha palat 100 tylli ki kynhun, kaba la pynlah ïa ki ban pynïar ïa ki jingshna kiba wanrah jingmyntoi.
“Ka Season 3 ka wanrah ïa ka jingkyrshan kaba kyrpang sha ki bynta jong ka Ri ha kaba bun ki kynhun treikam ba thymmai kiba don ki jingmut kin ïoh ka jingkyrshan na ki ecosystem kiba la pynbeit ryntih. Ka jingïatreilang bad ka IIM Calcutta Innovation Park kan pynpoi ia ka Kotak BizLabs sha ki bynta mihngi bad shatei-lam-mihngi jong ka Ri India bad kan pynïasoh ïa ka prokram bad ki network jong ki Startup Hub kiba don ha ki thaiñ bapher bapher. Ka thong ka long ban ai lad ïa man la kawei pa kawei ka kynhun treikam kaba shim bynta ban ïoh ïa ka jingai jingmut, ki jingpynïasoh bad ki jingkyrshan pisa ba kin ïaid shakhmat”, la ong u Himanshu Nivsarkar, Head – CSR & ESG, Kotak Mahindra Bank Ltd.
Ka Season 3 kan peit kyrpang ïa ki bynta kum ka Agritech, Climate Tech, Fintech, Sustainability, Healthtech, Edtech, Clean Energy, Waste Management bad Sustainable Manufacturing, bad kan don ruh ka bynta kyrpang ïa ka Deep-tech. Lyngba ki san tylli ki Incubation Hubs, ki kynhun treikam ba thymmai kiba shim bynta kin ïoh jinghikai na ki nongïalam, ki jingpynïasoh bad ki karkhana bapher bapher bad ki jingkyrshan ban kyntiew ïa ka kam. Ki Incubator ba marwei marwei kin pynïaid ïa ka jingjied ïa ki Cohort bad ka jingpynkhlaiñ ïa ki kynhun treikam.
Ka Kotak BizLabs Accelerator Programme ka dei ka projek CSR jong ka Kotak Mahindra Bank Limited.
Ki aplikeshon na bynta ka Season 3 mynta ki la plie na ka bynta ki kynhun treikam kiba la ithuh da ka DPIIT. Ki kynhun treikam kiba biang ki lah ban aplai lyngba ka Application Page Kotak BizLabs Season 3 application page. https://kotakbizlabs.accubate.