U President ka Jaintia National Council (JNC) u Bah Sambormi Lyngdoh u la ong haduh mynta ka Sorkar kam pat shim kano kano ka rai haba iadei bad ka jingtih ia ka Surok haba iadei bad ka Public hearing ka Shree Cement .
Haba kren sha ki lad pathai khubor u President ka JNC u la ong ka Seng ka la dep ai da ka jingthoh sha ka ophis u Deputy Commissioner ka East Jaintia Hills hynrei ka Sorkar ka sngap jar, ka tnad Pulit ka Sngap jar bad ka Seng ka sngewthuh ba kane kaei kaei ka jia da ka jingsuhbuit hapdeng ka Shree Cement bad ka Sorkar.
U President ka JNC u la ong kaba nyngkong dei ban kem ia u Dolloi ka Elaka Nongkhlieh bad ba ar dei ban kem ia u Syrpai Sukhlaiñ u ban sa long u Director jong ka Shree Cement bad ia kine kiei kiei baroh ka jingsuba ka Seng dei kine ki mastermind ban tih ia ka Surok bad kumjuh ban lum ia ki briew ki Mafia ban kawang maw ia ki paidbah , kaei ka jingthmu jong kine ki briew ka long ba kim pyrkhat shuh ia ka iap ka im u paidbah.
Nalor kata u la pynpaw ka Sorkar lada kam long Liang bad no bad no ka dei ban kem shwa ia kine ki agent ka Shree Cement .
Ka Seng ka iohi ba kane ka lah ban dei ka jingiasuh buit bad kane ka kompany ka lah ban dei jong ka Sorkar namar da mih ka jingklumar ka Sorkar ka kloi ban phah kem bad lada iakren ha ka 31 tarik kam da donkam shuh ia ka Fact Finding Committee hynrei ka jingsakhi lah iohi lut kato ka jingshah thombor bad nyngkong dei ban kem ia u trai JCB naei u ioh bor ban khlong ia ka surok bad kine kiei baroh ka Sorkar ka tip shai hynrei ka leh kum bym tip ei ei la ong u President ka Jaintia National Council.