Ka HNYF East Jaintia zones hapoh ka jingialam u President jong ka u ma Satly Ryngkhlem ka la leit ban ai jingiarap sha 2 tylli ki longïing kiba duk kiba don ha Wapung Shnong ha Dong Pohsiej ha kawei ka iing ki don uwei u khun jong ki uba duna ka dkhot met ha ka bynta ka kjat namar ka jingjia accident kali jong u ha ka por ba u dang samla haduh ba um lah shuh ban iaid ban ieng ban trei ban ktah bad u hap ban shu kyrshan da u diengduh ba un iaid un ieng, ha kawei pat ka ïing u bym iohi shuh ki khmat ha shiteng por ka jingim jong u, um lah shuh ban iohi ki khmat kumba u iohi ha baroh shi kata kum ha ki por ba u dang samla une ruh u hap ban shong ïing khlem lah shuh ban leit trei leit ktah, te na ka liang ka seng marsien ioh jingtip halor kane ka jingjia da ka mynsiem sngewkhia ka la kner ia ki lad jingiarap sha kine ki 2 tylli ki longiing da ka bor barit jong ka seng.
Na ka liang ka seng kam kwah ban pynpaw kyrteng ia kine ki lanot 2 ngut hynrei ka Seng ai mynsiem ia ki baroh kine ki arngut ba kim dei ban duh jingkyrmen ha ka jingim jong ki haba la sniew ka bok ka nasib jong ki hynrei U Blei U tip kham bha ia kita kiei kiei baroh pynkut ka kyrwoh na u ma Satly Ryngkhlem President ka seng.
