Ka Jaiñtia Fishing and Environmental Protection Association (JFEPA), Jowai, ka la khang pyrshah ia kino kino kiba tong Sasi sha ki wah duid ne liar sha jan ka Ban Mutong kumjuh ruh sha ki wah liar Ban Syntu Ksiar, namar ba ki dohkha ki kha pylleng sha kum kine ki liar.
Kumta lada lap ne shem ia kino kino kiba leh pyrshah ka Association kan dain kuna haduh 20 hajar tyngka, na kane ka kuna ne ka fine ka Association kan ai shiteng sha kito kiba iohi bad aijingtip sha ki nongkitkam jong ka JFEPA bad ka Association kan nym pynpaw ia ka kyrteng jong kito kiba ai jingtip sha ka Association.
Kumta na ka liang ka Association ka kyrpad ia ki paidbah ban iatreilang khnang ban lah ban pynduh ia kito ki briew ba leh pyrshah da kaba Tong Sasi, Beh Kynjun, Chun Kriah naduh u bnai March haduh u bnai May ka ban long man la u snem kumjuh ruh ka Association ka khang pyrshah ia kito ba tong Sasi ha ka por Lyuir ha ka por ba heh u slap, kaba wan rah ia ka jingduh jait jong ki dohkha dohpnat.
Kumjuh ruh ka Association ka shah ban rah rynwiang ne pyrsiej tang 7 (Hynñiew) tylli na ka bynta uwei u briew bad lada lap ia kiba pyntam ka Association ka daiñ kuna haduh 2 hajar tyngka. Kane ka long kat kum ka khubor ba la phah da u President ka JFEPA ma DH Pde.