-ïoh kot ïoh sla ki bar jylla na Lawsohtun, ïano yn kynnoh???-
Ka Khasi Students Union (KSU) Laban Circle hapoh ka jingialam jong u Samla Ruben Najiar hynne ka sngi ka la leit sha ka jaka mane blei jong ki Hindu ia kaba la tip kum ka Mahadev Kholo kaba don ha Laban na ka bynta ban pynpra noh ia ki jingtei beaiñ ki bym dei ki ïing mane blei kumba la iakut ha ki por kiba mynshwa.
Tiak ban shu pynkynmaw, ia kane ka Mahdev Kholo la ai jingmynjur ban ai ia ka jaka kaba heh da ka shnong tang kum ka jaka mane blei. Kane ka dei ruh ka jaka mane blei hindu kaba la rim tam ha ka Jylla, kata ia kaba la kynjoh mynta palat 150 snem.
Haba ioh ba iakren bad ki dkhot ka KSU, la ong ba katkum ka jingiohlum jingtip jong ki, bun ki briew kiba don ha katei ka jaka ki dei kiba la shu sah buhai bad ym ioh ia ka jingtip ba tikna naei ki wan bad naei ki ioh jingbit ban sah ha katei ka jaka.
Ym tang katta, kaba kham pynlyngngoh ka long ba ka jingnud jong ki ban shna ia ki ïing ban sah ha kine ki snem ka ba la pynlong ban kylla shnong mynta ha kaba ym lah shuh ban tip la ka dei ka jaka mane blei ne ka jaka sah wai.
Ka Seng ka la shaiong ruh ban tip ba bun ki briew kiba sah ha katei ka jaka ki ioh ia ki kot ki sla jong ki na Lawsohtun, kaba kynthup ia ki epic, aadhar bad ki syrnod Shnong.
Kane ka jingthmu jong ka KSU ka la kut noh mynta ka sngi na ka jingdon jong ki Pulit hynrei ka seng ka pynpaw ia ka jingkmen namar ba jingthmu jong ki briew ban shna ïing ka la sangeh noh.