Ki Union of Cook Cum Helper Pra Poshan Meghalaya ha ka 20 tarik Nailar 2026 ki la wan ai da ka jingthoh ha u Myntri ka tnad Pule Puthi u Bah Lahkmen Rymbui bad pynpaw ruh ba kin sangeh noh ia ka jingtreikam jong ki naduh ka 1 tarik Nailur 2026.
Haba kren sha ki lad pathai khubor na ka Liang ka President Union of Cook Cum Helpers Pra Poshan Meghalaya ka Kong Gina Nengong ka la pyntip ba ha ka jingialang kaba lah long ha ka 17 tarik Nailar 2026 ki nongshet ja skul ha ka Jylla Meghalaya ki lah rai ban sangeh noh ia ka jingtreikam jong ki naduh ka 1 tarik Nailur 2026.
Shuh shuh ka la ong ba ka jingshim ia kane ka rai ka dei hadien ba na ka liang jong ki nongshetja skul ki la phah ia ki shithi jingdawa jong ki naduh ki snem 2022 sha ka Sorkar bad kumjuh ruh sha ka Sorkar pdeng ban dawa kyntiew noh ia ka bhah na ka Sorkar pdeng na ka 900 sha ka 9000 hynrei haduh kine ki sngi ruh Kim shim ioh ia ka jingsiew kumta na ka liang jong ki lah rai ban sangeh noh ia ka jingtreikam naduh 1 tarik Nailur 2026.