U Chairman ka Green Tech Foundation u Bah H Bansiewdor Nonglang u la poi sha hospital ha ka janmiet jong ka 17 tarik ïaiong 2026 ha Civil Hospital Shillong hadien ba la shong Shah thngan kaba la kot sha ka sngi kaba 9 kaba la pynlong ha madan Malki.
Ia u Chairman ka Green Tech Foundation la pynkit noh da ka Ambulance na Madan Malki ha ryngkat ka jingsynran lang ki nongialam ka Green Tech Foundation ha ryngkat ki paidbah kiba la wan ban kyrshan ia ka Green Tech kaba la pynlong ia ka jingiakhih shong Shah thngan ha Madan Malki na ka bynta ban dawa weng noh ia ka Project kaba la iasoi bad ka Umiam Pvt Ltd kaba 36 acres ha Lumpongdeng.
Haba ioh ban iakren bad u Secretary ka Green Tech U la ong ka jingkoit jingkhiah jong u Chairman u bah H Bansiewdor Nonglang kam long shuh bad kumta u Chairman u la kohnguh ban leit sha hospital da ka jingleit buh ki paidbah bad ki nongialam ka Green Tech Foundation.
U Chairman ka Green Tech Foundation u la ong ba kane ka jingiakhih kan ym sangeh tad haduh ba ka Sorkar kan weng noh ia kane ka project ha Lumpongdeng bad u la kyntu ia ki paidbah ba kin pyndap ia ka madan Malki na ka bynta ban iakhun ia kane ka jingdawa jong ki paidbah haduh ban da jop.
