Ka Don Bosco College, Byndihati, East Jaiñtia Hills District mynta ka sngi kala pynlong ia ka jingpynkup burom ia ki samla pule jong ka, kiba pass ha ka tnad Commerce bad Arts.
Ha kane ka prokram la wan ïashim bynta da u Dkhot ka Ïingdorbar Rajya Sabha u James P. K. Sangma; ha ka jingiadon ryngkat u Deputy Commissioner ka East Jaiñtia Hills District u Shri Manish Kumar, IAS; u heh pulit ka East Jaiñtia Hills District u Shailendra Bamaniya, IPS; u nongpyniaid jong ka skul u Fr. U Daniel Cajee, SDB; ki dkhot jong ka college, ki nonghikai; ki samla pule; ki kmie ki kpa; bad ki khynnah kiba la pyndep ia ka jingpule jong ki.
Ha kane ka jingïalang la don ka jingshad duwai, ka jingrwai ri, ka jingpynmeh sharak, ka jingai syrnot, bad kiwei kiwei.
Ha ka jingkren jong u James P.K Sangma u la ong ba u la pdiang ïa ka jingkhot jong u Principal khlem artatien bad u la ai khublei ïa ki samla pule bad ki bahaïing hasem jong ki na ka bynta ka jingaiti jong ki na ka bynta ka jingpule. U la pynshlur ia ki samla pule ban iakynduh ia ki jingeh da ka jingshlur bad ka jingminot.
U Sangma u la maham ruh ba ka pyrthei ka don hapdeng ka jingeh kaba jur na ka jingkylla ka suinbneng ha ka pyrthei bad u la kyntu ia ki samla pule ban thaw ia ki jingmut bad ki jingpynwandur ban weng ia ki jingeh ha ka mariang. U la pynpaw ia ka jingshaniah ha ka jinglah jong ki ban kit ia kata ka jingkitkhlieh. U la tyrwa shuh shuh ia ka jingkyrshan na ka pisa MPLADS jong u ban iarap ia ka kolej ha ki jingdonkam jong ka.
