Ka Syiem Jingsuk Higher Secondary Amlarem, West Jaiñtia Hills District, ha ka 18-08-2026 kala pynlong ïa ka Science, Art and Cultural Exhibition 2026 hapoh jong katei hi ka skul.
Ha kane ka sngi la wan ban donlang da ka Vevotolu Kezo, IAS Sub Divisional Officer (Civil) kum ka kongsan haka jingdon lang ryngkat u Principal Fr. Peter B Marak, MSFS, u Dominic Thapa Exhibition Coordinator, ki Nonghikai, ki kmie ki kpa bad ki khynnah skul na ka Amlarem Secondary School, Amlarem, Mang hai ryum Hr. Secondary School Amlarem bad ka Riwar Jaiñtia Hr. Secondary School Amlarem.
La pdiang burom ïa ka SDO (Civil) Amlarem ryngkat ka jingparade na ki khynnah skul ka Syiem Jingsuk School Band, ïa ka programme la pynïaid da u Dominic Thapa (Exhibition Coordinator) bad ka jingrwai pdiang burom da ki khynnah skul.
Na ka liang ka Vevotolu Kezo, IAS haba ai jingkren kala ai khublei ïa baroh kiba wan ïa shim bynta ha kane ka Exhibition khamtam eh ïa ki khynnah skul ba kin ïoh shibun ki jingtip lyngba kane ka prorkam bad ban sei pyrthei ïa ki sap ki phong ba ki don haka pule ka puthi.
Kala ong lyngba ka jingtip kaba ki lah ban ïoh na kane ka Exhibition kan ïarap shibun eh ïa ki ba kin nang kiew ha ki jingtip shaphang ka Science & Technology , kala kyntu ïa ki khynnah skul ba kin pynleit jingmut ha kano kano ka sap ba kin don wat hala liang jong ka jingïalehkai Sports.
Shuh shuh kala banjur ïa ki khynnah skul ba ïashim bynta ha kum kine ki rynsan ha ryngkat ka jingïatrei lang da ka jingïasngewthuh jingmut, ban don ka jingtrei shitom bad ka jingmihnot ha ka jingim.
