Ka Jaiñtia National Council JNC Central Executive Committee mynta ka 20 tarik, haka kyrwoh na u President Rangbah jong ka seng, i bah Sambormi Lyngdoh i la pynpaw ba ka seng ka pynrem jur iaka jingshah hiar thma ka ophis ka Khasi Students’ Union bad ka jingshah kem jong ki nongialam jong ka Naduh u President, GS, bad vice president mynnin ka miet synniaw halor kato ka jingjia naka bike rally jong ka KSU, “haba ngi pynrem iaka jingleh ki pulit ngi khlem pynksan ruh ia kaei kaba lah jia mynnin ka sngi bad ym lah ruh ban pdiang khamtam haka imlang sahlang ka jong ngi na kato ka jingmih kulmar haka rally, kum ki sengbhalang haba ngi pynlong ia kano kano ka jingiakhih ka dei ban long kaba jai jai, hynrei ka jingmih jong ki jingkulmar kala wanrah ruh iaka jingiapher hapdeng ki ar jylla ka Assam bad Meghalaya. Hynrei kum ka seng ngim don ban ong eiei halor bad ym lah ruh ban pdiang khamtam hato ka jingkulmar.
Hynrei kaba pynlyngngoh iangi kum ka seng ka long ba kumno la Kem iaki nongialam ka KSU khlem kano kano ka jingtohkit, shibun ki jingiakhih lah iakhih, shibun ruh ki jingkulmar bla mih hangne hangtai hynrei ngim juh iohi ba shah hiar thma ki ophis sengbhalang bad ban kem iaki nongialam ba hakhlieh duh ki seng. Bad kaene hi ka pynsuba jur iangi kum ka JNC ba don kaei kaei sha lyndet. Haka jingshisha hi haba ngi pynlong kano kano ka jingiakhih ka dei beit ban pynsngew iaka Sur jong ngi shaka sorkar bad ngim kmen satia haba mih kano kano ka jingkulmar, ne ka jingbym shongsuk shongsain, kaba nyngkong hi ka pynlyngngoh iangi balei la Kem khlem kano kano ka jingtohkit, bad kaba ar kadei ab Naduh na wan kane ka company shree cement hapoh ka jylla Jong ngi khamtam ha East Jaiñtia kaba lah wanrah ym tang ki huri hura hynrei lah pynpait ruh arliang iaka Elaka Nongkhlieh, lah wanrah ruh ka jingiapher hapdeng ka elaka Sutnga bad Nongkhlieh, bad ngi lah iohi ruh Naduh kato ka public hearing balah dep Naduh ka 30 bad 31 tarik iaka jingleh donbor ka sorkar lyngba ka tnad pulit, ngim lah ban Kynnoh iaka tnad pulit watla ka leh maka, namar khatduh hi ngi sngewthuh baka tnad pulit kadei tang ka tnad treikam Jong ka sorkar, bad ki pulit ruh kim nym nud ban leh ia kano kano ka kam khlem da iohbor naki bor ba halor. Ngi la iohi ruh Naduh kato ka 30 tarik ka jingshahkem ki nongialam ka JNC bad ka jinglun maw ruh iaki kali, bad ki briew kiba mut ban leit sha ka public hearing.
Ngi lah iohi ruh mynnin iaka jingkren u secretary bad Dolloi ka Elaka Nongkhlieh kiba Ong ba ngi lah khot ia baroh ki nongkyrshan bad nongpyrshah, ka jingkylli ngi kwah ban buh ba mano kine kiba lah ban khot briew maki ???, hato ka elaka kaba pynlong iaka public hearing??? Haba ngi puson bha iaka jingkren u secretary bad Dolloi ka Elaka Nongkhlieh imat ka don aiu re aiu ka daw baki shlur ban kren haduh katne katne, bad haba phai shaka jingshahkem Jong ki nongialam ka KSU ruh imat ka don kaei re kaei ka bor kaba sha lyndet, kane ka dei ka buit Jong ka sorkar ban pyntroin iaka Sur khnang ban pynjar jar iaka Sur jong ki trai ri trai muluk, bad haba phai ruh iaka jingjia mynnin ka Sngi na kato ka jingkulmar ka don ka bynta kaba sha lyndet, ngi suba jur ruh ia karo ka jingjia, kim dei ki dkhot ka KSU kito kiba pynkulmar namar kumba Ong mynne lada ym don kaei kaei sha lyndet balei ka sorkar ka hap ban kem beit direct iaki nongialam ???.
Haba phai ruh sha kane ka sorkar kaba ialam daka NPP ngi iohi iaka jingshah spah ka Jong ka, khamtam ia u Nongialam ba hakhlieh duh Jong ka u sir Conrad Sangma haduh katno u kwah ban kyntiew iaka party Jong u bad ngi suba jur ruh ba kane ka Shree cement imat kadei ka nongbei tyngka kaba heh bha iaka party, bad dei na kane ka daw baka sorkar ka sa leh donbor lyngba ka tnad pulit ban pynduh pyndam iaka Sur ki trai ri.
Bad ka message kaba shai ngi phah sha ka sorkar ba Kynmaw iaphi la jied da u Paidbah bad ka por ka jong phi kadei tang san snem, bad kynmaw ruh ba u Paidbah uba pynkiew bad u Paidbah u ban pynhiar.
Ka kyrwoh kaba shai ba phi lah ban kem iangi bad pyntieng pynsmiej iangi hynrei kynmaw ba phim lah ban pynduh iaka Mynsiem ialeh ka jong ngi, iaka Mynsiem ieid ri ka jong ngi kaba lah hiar pateng naki khlawait ki jong ngi kum u Syiem Tirot Sing, u Woh kiang Nangbah bad kiwei.
Ngi naka Liang ka JNC ruh ha kane ka 23 tarik une u bnai yn kut ka jingai por ka jong ngi iaka sorkar bad ngin sa shong iaka CEC ban ia pyrkhat bad ban shim iaki sienjam jingiakhih ba jai jai katkum ka aiñ halor kane ka bynta.
Kyntang iawai ka kyrwoh shaka jaidbynriew hynñiewtrep ba phin ia pyrkhat bad puson bha halor kane ka jingleh jong ka sorkar la phin long kita ki nongpeitkai ne phin long ki nongialeh ne???.”