Ka Kynhun Myntri ha ka 27 tarik Naitung 2026 ka la mynjur T.22.7 klur tyngka na ka bynta ka bai jaka kaba donkam na ka bynta ban shna ia ka lain transmission line kaba 6.5 km, jong ka 132 KV ha Mawkhanu, New Shillong Township.
Ïa kane ka rai la shim ha ka jingïalang ka kynhun myntri ba la pynïaid da u Myntri Rangbah ka Jylla u Conrad K. Sangma.
Haba kren sha ki lad pathai khubor u Myntri ka Sorkar jylla u Marcuise N Marak u la ong ba kane ka laiñ transmission kan pynïasoh ïa ka substation 220/132 KV kaba la don lypa bad ka substation kaba thymmai kaba 132/33 2×50 MVA ha Mawkhanu.
“Ka don ka jingjngai kumba 6.5 km eiei ka laiñ pynpoi bording kaba dang tan sha ka substation Mawkhanu bad ka sorkar kan hap ban shim katto katne ki jaka, bad ka kynhun myntri ka la dep mynjur ïa ka jingsiew bai lutksan,” ong u Marak.
U la ong ba ia ka pisa ba la mynjur kaba long T.22.7 klur yn pyndonkam ban siew bai lutksan ia ki trai jaka ha shilynter katei ka jaka.