Mynta ka janmiet, 3 tarik u bnai August 2026, u Information Secretary jong ka JCOMSWA, u bah Overcome Dkhar, u la ïathuh ha ki lad pathai khubor ba ka seng ka la pan jingbit na ka Ophis jong u Deputy Commissioner, East Jaiñtia Hills naduh ka 29 tarik u bnai July 2026 na ka bynta ka jingiakhih kaba jai jai lashai ka sngi, ka 4 tarik u bnai August 2026.
Mynta ka sngi ki la hiar sha ka ophis jong u Deputy Commissioner bad u Superintendent of Police, East Jaiñtia Hills District, ban ioh ia ka jubab bad la pyntip ba la kyntait ban ai jingbit.
Ka JCOMSWA ka la pynshai ba, wat hapdeng ka jingshah kyntait, ka seng ka thmu ban iaid shakhmat bad ka jingiaid paidbah kaba jai jai khlem da pynpep ia katei ka prokram. U bah Dkhar u la kyntu ia baroh ki nongshong shnong jong ka East Jaiñtia Hills District kiba shaniah ha ka jingtih dewiong na ka bynta ka jingim jong ki ba kin ia lum lang lashai ka sngi ha ophis u Deputy Commissioner ha ka por 10:00 a.m.
U Information Secretary u la khot ruh ïa ki seng treimon sngewbha, ki rangbah shnong, ki samla, ki nongñiah kali, ki seng trok, bad baroh ki seng tih dewïong ban ïashim bynta ha kane ka jingïalang, da kaba ong ba kane ka mat ka ktah ïa ka lawei jong ka jylla.
U la pynpaw biang ba ka JCOMSWA ka la kyrshan ban plie biang ïa ki kam tih dewïong ha ka distrik naduh kaba sdang khnang ba baroh kin lah ban ïashim bynta ha ka kam. U la kyntu ia ka jingiatylli khnang ba ka jingtih dewiong kan sdang biang ha ka distrik bad u la kitbok kitrwiang ia baroh na ka bynta ka jingialang kaba suk lashai ka sngi.