Ka ophis jong u Executive Engineer ka P.H.E RWS Division Jowai, West Jaiñtia Hills District ha ryngkat ka jingïatreilang bad ka ophis District Sports Officer, WJHD Jowai kin pynlong ïaka jingïamareh marathon shi bynta ka jingrakhe ïaka “Rajya Jal Utsav 2026-28”- 10/5 Km Marathon hapoh ka District.
Ïa kane ka jingïakop mareh marathon yn pynlong haka 29th tarik u Nailar, 2026 naka bynta ki shynrang bad ki kynthei (open category).
Yn sdang ïa ka jingmareh da kaba kaweh ïa ka lama na Treïongriang (Starting point) bad ïaid lyngba u surok Amlarem Bypass Road – Khliehturiem Junction – Myntdu – Riatsiatsim Bypass – Amlarem Stand – Mynthong Road bad pynkut ha madan Jrisaleiñ (Finishing point) (10km) ïa ki shynrang. Katba ïa ki kynthei yn sdang mareh (starting point) na Khliehturiem Junction – Myntdu- Riatsiatsim Bypass- Amlarem stand- Mynthong Road bad pynkut ha madan Jrisaleiñ (Finishing point) kaba long 5Km.
La pyntip ka por ban sdang ka jingmareh ka long naduh 6 baje jong ka 29 tarik bad ka jingshim kyrteng (Spot Registration) ïa baroh ki nonïashim bynta yn pynlong haki jaka ba sdang naduh ka por 5:00-5:30 mynstep.
Naka liang ka ophis P.H.E RWS Division Jowai, kala khot sngewbha ïa baroh kiba dei napoh ka West Jaiñtia Hills District ban wan sha kane jingïamareh, na ka bynta ka khusnam ka long 1st prize – Rs. 10000/-, 2nd prize – Rs. 7500 bad 3rd prize – Rs. 5000.