Ka jingïalehkai phutbol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 20 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Sonapyrdi FSC kala jop da 4-2 kol ïaka Mookympat SSCC, ïa ki kol na ka Sonapyrdi FSC la thep da u Kerlang Tlang haka minit ba 33, u Kitbok Sutnga haka minit ba 45, u Affirming Tlang haka minit ba 67 bad u Rikune Rupsi haka minit ba 75. Ïa ki kol na ka liang ka Mookympat SSCC la thep da u Ebordame Lamare haka minit ba 8 bad u Ritre Lyngdoh haka minit ba 79.
Haka jingïakhun kaba ar ka Wahsarang SC kala jop da 4-0 kol ïa ka Mookhep SCSC, ïa ki kol na ka Wahsarang SC la thep da u Shawas Dkhar haka minit ba 48 & 61, u Combine Lamo haka minit ba 72 bad u Evangelist Bareh ha ka minit 73.
Katba ha ka jingïakhun kaba lai hapdeng ka Musniang Rim SC pyrshah ïa ka Shiborlang SC Pynthorsale kila poi sha ka jingïakhaid da mar shikol (1-1), ïa ka kol na ka Musniang Rim SC la thep da u Lamphrang Dkhar haka minit ba 45. Katba ïa ka kol na ka Shiborlang SC Pynthorsale la thep da u Bormi Phawa haka minit ba 21.
