Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 20 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Maskut SC kala pynliem da 1-0 kol ïaka Madur SC, ïa katei ka kol naka Maskut SC la thep da u Phrangsngi Ryngkhlem ha ka minit ba 10.
Ha ka jingïakhun kaba ar ka Mainroad SC Wahiajer kala jop da 3-0 kol ïaka Niriang Pdienlum, ïa kitei ki kol na ka Mainroad SC Wahiajer la thep da u Chelang Laloo haka minit ba 28, u Hopefulson Talang haka minit ba 44 bad u Heihok Dkhar haka minit ba 50.
Katba ha ka jingïakhun kaba lai kila poi sha ka jingïakhaid da mar 2-2 kol hapdeng ka Iawthymblein SC pyrshah ïa ka Mukhla Sohshrieh, ïa ki kol naka Iawthymblein SC la thep da u Paitmiki Sari haka minit ba 5 bad u Dawyo Suna haka minit ba 17. Ïa ki kol naka liang ka Mukhla Sohshrieh la thep da u Elbious Sari haka minit ba 2 bad u Odawanmi Lyngdoh haka minit ba 51.
La pyntip ka jingïakhun lashai ka sngi 21/08/2026 haka por 10 baje mynstep ka Goodwill FC Mupliang pyrshah ïaka Madansynrang SC, haka por 12 baje nohphai sngi ka Youth Sport Club Myrsiang pyrshah ïaka Lumkhudung SC, katba ha ka por 2 baje nohphai sngi ka Lumkynsaw SC pyrshah ïaka Ryntih FC Mynsngat.