Ka jingïalehkai phutbol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 19 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Youth SC Pyrtakuna kala jop da 3-0 kol ïa ka SWC Deinsatlang, ïa kitei ki kol na ka Youth SC Pyrtakuna la thep da u Financial Sumer haka minit ba 21 & 74 bad u Sohmon Massar haka minit ba 46.
Haka jingïakhun kaba ar hapdeng Teilang SCSC Lummyrli pyrshah ïa ka Tongseng Youth SYSC kila poi sha ka jingïakhaid da mar shikol (1-1), ïa ka kol na ka Teilang SCSC Lummyrli la thep da u Mantiphrang Pohsnem haka minit ba 74, na ka liang ka Tongseng Youth SYSC la thep da u Fining Lyngdoh haka minit ba 62.
Katba ha ka jingïakhun kaba lai ka Dkhiah East SC kala jop da shikol 1-0 ïaka Moonongtdu SC, ïa katei ka kol na ka Dkhiah East SC la thep da u Nidawan o Nongtdu haka minit ba 57.
