Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 19 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Momer SC kala jop da 1-0 kol ïaka Mukhla Veterans, ïa katei ka shikol na ka Momer SC la thep da u Shain Chyrmang haka minit ba 50.
Ha ka jingïakhun kaba ar ka Christian Club Namdong kala jop da 1-0 kol ïaka Modop SC, ïa katei ka kol na ka Christian Club Namdong la thep da u Starwell Sungoh haka minit ba 26.
Katba ha ka jingïakhun kaba lai naka liang ka Thadmusem SC kala pynliem da 2-1 kol ïaka Mukhla Mission, ïa ki kol na ka Thadmusem SC la thep da u Ebormi Mukhim haka minit ba 17 bad u Karmi Dkhar haka minit ba 59. Ïa ka shikol naka Mukhla Mission la thep da u Wompher Phawa haka minit ba 3.
La pyntip ka jingïakhun lashai ka sngi 20/08/2026 haka por 10 baje mynstep ka Maskut SC pyrshah ïaka Madur SC. Ha ka por 12 baje mynsngi ka Mainroad SC Wahiajer pyrshah ïaka Niriang Pdienlum. Katba haka por 2 baje janmiet ka Iawthymbleiñ SC pyrshah ïaka Mukhla Sohshrieh.