Ka jingïalehkai phutbol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 18 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Nongsning Youth SC kala jop da 3-1 kol ïa ka Wapungskur SSWO, ïa ki kol na ka Nongsning Youth SC la thep da u Spain Dkhar haka minit ba 41 & 53 bad u Jes Sympli haka minit ba 68. Ïa ka shikol na ka Wapung SSWO la kum thep bakla (OG) da u Kner Siang haka minit ba 40+1.
Haka jingïakhun kaba ar hapdeng ka Dongumsngad SC Byndihati bad ka Evergreen SC Ladwahwapung kila poi sha ka jingïakhaid da mar shikol (1-1), ïa ka kol na ka Dongumsngad SC Byndihati la thep da u Vesco Shylla haka minit ba 34, na ka liang ka Evergreen SC Ladwahwapung la thep da u Riewmos Dkhar haka minit ba 51.
Katba ha ka jingïakhun kaba lai ka Umstain SSCC kala jop da 5-2 kol ïa ka Sein Khynroo SC Umsatai, ïa ki kol na ka Umstain SSCC la thep da u Thomas Suchiang haka minit ba 7 & 11, u Eveningland Pohshna haka minit ba 33 & 53 bad u Daemetre Ladong haka minit ba 77. Ïa ki kol na ka Sein Khynroo SC la tep da u Jewel Sympli haka minit ba 2 & 58.
