Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 18 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Mainroad SC Nartiang kala jop da 3-1 kol ïaka Nongthymme Nongdhar, ïa ki kol na ka Mainroad SC Nartiang la thep da u Pele Dkhar haka minit ba 24 bad u Khamkor Dkhar haka minit ba 30 & 45. Ïa ka shikol na ka Nongthymme Nongdhar la thep da u Edris Suting haka minit ba 69.
Haka jingïakhun kaba ar ka Shillong Police FT kala pynliem da 2-1 kol ïaka Thadmynri SC, ïa ki kol na ka Shillong Police ft la thep da u Iohborlang Nonglyer haka minit ba 8 & 35. Ïa ka kol na ka Thadmynri SC la thep da u Malangki War haka minit ba 59.
Katba ha ka jingïakhun kaba lai ka United FC kala pynliem da 2-0 kol ïa ka Unity SC Phlongingkhaw, ïa kitei ki ar kol na ka United FC la thep da u Andyson Shylla haka minit ba 18 bad u Eddyson War haka minit ba 38.
La pyntip ka jingïakhun lashai ka sngi 19 tarik u Nailar haka por 10 baje mynstep hapdeng ka Momer SC pyrshah ïaka Mukhla Veterans, haka por 12 baje mynsngi ka Modop Youth pyrshah ïaka Christian Club Namdong. Katba haka por 2 baje nohphai sngi ka Thadmusem SC pyrshah ïaka Mukhla Mission.