Ka lympung ïalehkai phutbol bala tip kum ka (L) Joybell Suiam Memorial Football League 2026 jong ka kyrdan 2nd Division bala pynïaid da ka Thadlaskieñ Sport Association kala sdang mynta ka sngi 17 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hadpeng ka Lad Mukhla bad ka Rising SC Kdiap kila poi sha ka jingïakhaid da mar shikol, ïa ka kol la thep shwa da ka Lad Mukhla haka minit ba 19 da u Study Shylla, ïa ka kol na ka liang ka Rising SC Kdiap la thep da u Riskiel Dkhar haka minit ba 32.
Katba haka jingïakhun kaba ar ka Mukhla Wahchnong kala pynliem da 1-0 kol ïa ka Tyllilang Moobakhon, ïa katei ka kol na ka Mukhla Wahchnong la thep da u Onfiveroy Nongrum haka minit ba 20.
La pyntip ka jingïakhun lashai ka sngi 18/08/2026 ha ka por 10 baje mynstep kan long hapdeng ka Mainroad SC Nartiang pyrshah ïa ka Nongthymme Nongdhar. Haka por 12 baje mynsngi ka Thadmynri SC pyrshah ïaka Shillong Police, katba ha ka por 2 baje nohphai sngi ka Unity SC Phlongingkhaw pyrshah ïaka United FC.