Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 17 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong hapdeng ka Shymplong SCSC bad ka Umlawang SC kila poi sha ka jingïakhaid da mar shikol (1-1), ïa ka kol na ka Shymplong SCSC la thep da u Dawyoo wanphai Bhoi ha ka minit ba 64, na ka liang ka Umlawang SC la thep da u Bashan Sympli haka minit ba 51.
Haka jingïakhun kaba ar ruh hapdeng ka Umkiang Maya Club bad ka Lumputhoi SCSC kila ïakhaid da mar shikol (1-1), ïa ka kol na ka Umkiang Maya Club la thep da u Cherister Sumer haka minit ba 45 bad na ka liang ka Lumputhoi SCSC la thep da u Rishan Lyngdoh haka minit ba 75.
Katba ha ka jingïakhun kaba lai ka Moopala SCSC kala jop da 2-1 kol ïaka Iongkaluh SCSC, ïa ki kol na ka Moopala SCSC la thep da u Enguh Syrti haka minit ba 6 bad u January Pajuh haka minit ba 51. Ïa ka shikol na ka Iongkaluh SCSC la thep da u Starwil Rymbai haka minit ba 19.
