Ka jingïalehkai phubol jong ka kyrdan 2nd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 14 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Dkhiah West SCSO kala jop da 4-1 kol ïaka Lakadong Ummat SSC, ïa ki Dkhiah West scso la thep da u Dawrupaya Tlang ha ka minit ba 26, u Nevermine Kya haka minit ba 56, u Donjingkyrmen Kya haka minit ba 71 bad u Stayphan Phawa haka minit ba 80+3. Ïa ka shikol na ka Lakadong Ummat SSC la thep da u Fibami Chadong ha ka 13.
Haka jingïakhun kaba ar ka hapdeng ka Lumshken SC bad ka Lama Youth SC kila poi sha ka jingïakhaid khlem don kiba ïoh ban thep kol (0-0).
Katba haka jingïakhun kaba lai ka Suchen Lumiarain SC kala jop da 1-0 kol ïa ka Khliehmyntriang SC, ïa katei ka shikol na ka Suchen Lumiarain SC la thep da u Hamedahun Lamurong haka minit ba 5.
