Ka jingïalehkai phubol jong ka kyrdan 2nd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 13 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Iapmala United SC kala jop da 2-1 kol ïaka Lumshyrmit SC, ïa ki kol na ka Iapmala United SC la thep da u Justmeki Swer haka ninit ba 33 & 67. Ïa ka shikol na ka Lumshyrmit SC la thep da u Bikel Khaii haka minit ba 56.
Haka jingïakhun kaba ar ka Tuberkmaishnong SCSC kala jop da 3-2 kol ïaka Kairang CSC, ïa ki kol na ka Tuberkmaishnong SCSC la thep da u Wansalan Kyndait haka minit ba 19 & 59 bad u Samewanki Ryngkhlem haka minit ba 25. Ïa ki kol na ka Kairang CSC la thep da u Kampher Rymbai haka minit ba 35 bad u Sambhalang Mawthoh haka minit ba 60 lyngba ka (Penalty).
Katba haka jingïakhun kaba lai ka Moolamanoh SC kala jop da 4-3 kol ïaka Pamrakmai SCSC, ïa ki kol na ka Moolamanoh SC la thep da u Kenny Sintus Dkhar haka minit ba 24, u Eriston Dkhar haka minit ba 37, u Ambition Dkhar haka minit ba 45 bad u Edelbert Khaii haka minit ba 65. Ïa ki kol na ka Pamrakmai SCSC la thep da u Junely Siangshai haka minit ba 4, u Wandame Laloo haka minit ba 17 bad u Bideon Suchiang haka minit ba 47.
