Ka jingïalehkai phubol jong ka kyrdan 2nd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 11 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong hapdeng ka Moosianglamare New YWOSC pyrshah ïa ka Lumshken SC kila poi sha ka jingïakhaid da mar shikol (1-1), ïa ka kol na ka Moosianglamare New YWOSC la thep dau Fasterjoy Pariat haka minit ba 30, na ka liang ka Lumshken SC la thep da u Ram Bareh haka minit ba 59.
Haka jingïakhun kaba ar ka Narwan SCSC kala jop da 3-1 kol ïaka Rangad SCSC, ïa ki kol na ka Narwan SCSC la thep da u Pyrkhatlang Sumer haka minit ba 24, u Arhowni Shadap haka minit ba 32 bad u Jimris Langstang haka minit ba 34. Ïa ka shikol na ka Rangad SCSC la thep da u Yoome Lamurong haka minit ba 28.
Katba haka jingïakhun kaba lai hapdeng ka Ratacherra CSC bad ka Umlyngsha YWSC kila ïakhaid da mar shikol (1-1), ïa ka kol na ka Ratacherra CSC la thep da u Gradely Mylliemngap haka minit ba 42. Naka liang ka Umlyngsha YWSC la kum thep bakla da u Housekeeper Pohleng haka minit ba 80+8.
