U Chief Electoral Officer (CEO) jong ka jylla Meghalaya u Dr. B.D.R. Tiwari, IAS ula buh ka jingkyntu ia baroh ki nongshong shnong jong ka jylla Meghalaya kiba la ioh ban thep vote ba kin mih shakhmat mynta ka sngi 19.04.2024 kaba dei ka sngi thep vote jong ka elekshon MP sha ka Lok Sabha ba kin ia mih paidbah ban pyndep hok ia la ka jong ka hok bad ka kamram jong ki kum ki nongshong shnong ba pura ka ri India.
Ka jingthep vote mynta ka sngi kan sdang naduh ka por 7 baje mynstep bad kan khang ha ka por 4 baje janmiet.
