Ka Hynñiewtrep National Youth Front (HNYF) hynnin ka sngi 17 tarik u Ïaïong, 2024 katba kidang ïaid lynti na Ummulong sha Mookyndur ha ka por 11 ne 12 baje mynmiet eiei kila ïohi ïa ki katto katne ki kali kiba khaïi masi beaiñ. Ki dkhot ka seng katba ki dang pyrshang ban ïakren kynsan kynsan ula wan u wei u briew u ïa uba la ithuh kyrteng da ka seng kum u Ebenezer Sutnga bad uba kam ruh ïalade kum u wei na ki dkhot ka seng JSU bad ula kam ruh ba ki dei ki mar jong u.
Ka seng kala ong mar sien ïohi ïa ki dkhot ka seng ula la ïalam ïa ka kynhun jong u haduh ba la poi ka jingshah shoh shah bom ki dkhot jong ka seng HNYF bad kila lute ruh ïa ka pisa kaba don kumba 15,000/- hajar tyngka. Ka seng haka jingwad jingtip shaphang utei u briew ba kam u dkhot ka JSU la tip ruh ba u dei u wei na ki nong pynïaid masi beaiñ shapoh Bangladesh, halor kane ka kam pynïaid masi tuh sha Bangladesh ïa kaba ka seng kala dep ai jingthoh sha ka sorkar kmie, namar ka seng HNYF kam lah ban pdiang ïa kine ki jingkhaïi beaiñ.
Ha ka juh ka por kum ka seng ka pyrshah jur ïa ka jingpynïaid masi tuh sha Bangladesh namar ba kadei kaba beaiñ, la pynsngew da ka seng utei u briew u juh byrngem pynïap ruh ïa ki nong ïalam jong ka seng. Na ka Liang ka seng kam kwah ban shim ïa ka aiñ ha kti kumta kala ujor syndon da ka FIR ha u officer incharge ka Ummulong Beat House, West Jaiñtia Hills District bad la kyrpad jur ïa ki bor jong ka aiñ ban leh eiei halor utei u briew uba juh byrngem pynïap, jrong kti bad pynmynsaw ïa ki dkhot ka seng pynkut ka kyrwoh na ka HNYF lyngba u Tyrchain Shylla.