Hadien ba ka Sorkar ka la khot iakren ia ka KSU ha ka janmiet jong ka 26 tarik Nailar 2026 haba iadei bad ka jingdawa ka Seng ia ki 5tylli ki mat jingdawa .
Ha Kane ka jingialang bad ka KSU la ia don lang u Myntri Rangbah ka Jylla u Conrad K Sangma u Symbud Myntri Rangbah ka Jylla, u Bah Preston Tynsong, u Ma Sniawbhalang Dhar ki Ophisar ka Sorkar Jylla bad ki nongialam ka KSU ba kynthup naduh u President barim bah Lambokstar Marngar, General Secretary Barim bah Donald V Thabah, Vice President Barim bah Biangbor L Paliar bad kiwei kiwei ki nongialam ka KSU.
Haba kren sha ki lad pathai khubor na ka Liang u President Barim ka KSU u Bah Lambokstar Well Marngar u la ong ha ka jingialang kaba lah long mynta ka sngi bad ka Sorkar watla 100 percent Kam Pat urlong hynrei 70 Percent ka jingangnud ka Seng ka lah urlong bad ki dang don katto katne ki bynta bad na ka Liang ka Seng ruh kan hap ban shong namar Kam dei kaba suk na ka Liang ka Seng ruh ka hap ban peit bha namar ia kano kano kaba ka Seng ka thmu ka long kaba seisoh bad khmih lynti ban wanrah ia ka jingkhuid hapoh ka Jylla.
Shuh shuh u la ong na ka Liang ka CEC ba thymmai ka don haduh 20 tylli ki mat hynrei ka shim shwa 5 tylli ki mat kiba kyrkieh bad ia 15 tylli ki mat ki dang bun kiba hap iathir iatai , bad ka Seng ka lah kren shai sha ka Sorkar ba Kane ka jingiakren kam dei ban kut mynta ka sngi bad ha kine ki sngi ban wan kin sa iakynduh ban bteng biang ban iakren ia ki 15 tylli ki mat bad ka Seng kan sa peit napdeng ki 15 tylli ki mat kino kiba ka Sorkar ka lah ban leh kyrkieh noh bad kino kiba ka Sorkar ka dang panpor ban iathir bad iatai la ong u Bah Lambokstar Star Well Marngar President Barim ka Seng KSU.
