Haba wanrah ïa ka jingkylli da u MDC ma Daeimi Liam hapoh ka Dorbar Mang Tangka ka JHADC hapdeng ka jingïakhajia pud ka shnong Thangraiñ bad ka Iongkwang, na ka liang u CEM ma Thombor Shiwat ula jubab haoid ka don ka jingïakhajia pud.
Shuh shuh u CEM ula pynsngew ba ka ophis kala ïoh ïa ka shithi na ka ophis u Deputy Commisioner ban pan jingithuh bad pynshisha ïa ka Iongkwang kum ka Dorbar Shnong.
U la pyntip katkum ki kot ki sla la ithuh ïa ka Iongkwang kum ka Dorbar Chnong hadien bala (Recommendation) na u Dolloi bad kala ïoh ïa ka Sanad, hynrei na ka liang ka shnong Thangraiñ ka kwah ban pynlong tang kum ka Dong ïa ka.
U ma Thombor ula kyntu ba kin wan mih sha ka ophis jong ka Council, na ka bynta ban wanrah jingïasuk hapdeng jong ki.
Na ka liang u Daeimi Liam ula ong ka ophis u DC kala phah wan ïa ki ar shnong bad ia ka Council ban pynbeit ïa kane ka kam, u ma Thombor ula pyntip ba la phah ïa u Dolloi namar u long kum u Agent ka Council.
Halor kane u Rikut Parein ula buh jingkylli kumno ka Council kan leh ïa kane ka kam, ha kaba u CEM ula ong haduh mynta ngi dang ap ïa ka report na u Dollio ka Elaka Shiliang Myntang.