Ka Indian Dental Association, Meghalaya Branch, ka la rakhe ia ka World Oral Health Day mynta ka sngi ha Halfway Home kaba don ha shnong Sabah Muswang.
Ha kane ka jingialang kaba lyngkot la iadonlang da u Dr. Kyrpang Passah, Dr. Nimshi Rymbai bad Dr. Liberal Dkhar. La rakhe ia kane ka prokram ryngkat bad ka Hotel ODC Residency bad ka Tia’s Restaurant and Lounge, Lumpyrtuh, Mihmyntdu, West Jaintia Hills.
Ha kaba sdang la ioh ia ka jingkren pdiang da u Dr. H.H. Mohrmen uba dei u Secretary ka Society for Urban and Rural Empowerment (SURE), kaba dei ka seng kaba pyniaid ia kane ka Halfway Home. U ma Mohrmen u la batai lyngkot halor kane ka project kaba la bei pisa da ka Social Welfare Department jong ka sorkar Meghalaya.
U Dr. Kyrpang Passah u ba la ialam ia ka kynhun ki Doctor bniat, ula batai halor ka World Oral Health Day ia kaba la ju rakhe manla u snem ha ka 20 tarik u bnai Lber. U la ai khublei ia ka seng kaba la shah ban pynlong ia kane ka prokram ha ryngkat ki dkhot jong ka Society kaba donkam ia ka jingkyrshan. Ha kane ka sngi la sam ia ki jingaisngewbha bad ki jingbam sha kiba sah ha katei ka Halfway Home.
La ioh ia ka jingkren ai khublei da Aiba Suchiang ba dei nongtreikam sngewbha bad Project Coordinator jong ka projek.
