U District Magistrate jong ka West Jaintia Hills District ula pynmih ia ka hukum ha ka 6 tarik mynta u bnai ba baroh ki jaka die kyiad kiba don ba ki bynta khappud bad ka Jylla Assam kiba hap hapoh ka West Jaintia Hills District ki dei ban khang khyrdep baroh namar ba ka don ka jingiathep vote, Assam Legislative Assembly ha ka Jylla Assam.
Katkum kane ka hukum la pyntip ba la pynbna sngi tyrkhong kyiad (Dry Day) ha ki thaiñ kiba iadei pud bad ka Jylla Assam naduh ka 5:00 PM jong ka 7 tarik u Iaiong 2026 haduh ka por 5:00 PM jong ka 9 tarik Iaiong 2026 bad kane ka hukum kan treikam ruh na ka bynta ka sngi niew vote ha Assam kata ha ka 4 tarik u Jymmang 2026 haduh ban da dep ka jingniew vote bad kan treikam ruh lada jia ba don ka Re-poll.
Kumta la bthah ia baroh ki dukan die kyiad kynthup ia ki Bars, ki Canteens bad ki kyiad pyrsi ruh ba ki dei ban khang lut. Lada lap ia kino kino kiba ialeh pyrshah ia kane ka hukum kin shah pynshitom katkum ki kyndon jong ka aiñ.