Ha ka jingpynmih khubor jong ka sorkar jylla lyngba u Commissioner & Secretary to the Government of Meghalaya, la pyntip ba ka sorkar kala pynbna ba la pynkylla kyrteng ia ki katto katne ki surok kiba don hapoh ka jylla katkum ka Notification ba la pynmih da ka tnad General Administration Department (B)
Ki surok kiba la pynkylla kyrteng ki long ka “Blessed Mother Teresa” la pynkylla sha ka “Saint Teresa Road”, ka “Rev Nichol’s Roy Road” la pynkylla sha ka “Rev. J.J.M Nichols Roy Road”, ka “PWD Road na Thorika Rabha sha Nibari” la pynkylla sha ka “Utpal Rabha Road”, ka “Pasyih Garampani Road (P.G Road)” sha ka “Phramer-Shangpung-Saphai Road”, ka surok na Wahthapbru sha Jaiaw Pdeng kala iaid lyngba ka Mission Compound la pynkylla sha ka “Dr. Friday Lyngdoh Road”.
Ia kane ka Notification la pynpoi sha baroh ki bor ba dei peit bad kumjuh sha kiba don bynta bad kane kam na ka bynta ka jingtip jong ki bad ba kin leh ia kaba donkam.