Ka jingwan tur jong ki kynhun sengbhalang ba kynthup ia ka JSU, JNC bad ki nongshong shnong jong ka thaiñ Daistong hynnin ka sngi (20/5/2026) shapoh ka ophis jong u DC ka East Jaintia Hills District bad ka jingwan rung jubor shapoh ka ophis ka la wan rah ia ka kynrum kynram bad ka jingthut jong ka jingtreikam ha katei ka ophis.
Kumta ha kaba iadei bad kane na ka liang jong u District Magistrate uba dei u Deputy Commissioner, ka East Jaintia Hills katkum ka bor ba la bynshet ha u katkum ka kyndon 163 BNSS (Bharatiya Nagarik Suraksha Sahita), 2023, ula hap ban pynjari ia kane ka kyndon aiñ, kaba la khang pyrshah ia ka jingialum jong ki briew palat ia ka 5 ngut ha ki bynta jong ka ophis u Deputy Commissioner.
Lada lap ia kino kino kiba ialeh pyrshah ia kane ka aiñ kin shah pynshitom katkum ka kyndon 223 jong ka BNS, 2023 ryngkat kiwei de ki kyndon aiñ.
Ia kane ka hukum la pynmih hynnin ka sngi 20/05/2026 bad kan trei kam tad haduh ban da pynmih da ka wei pat.