Ka Ri India kan sa pyni ha ka sien kaba nyngkong eh ia ki kali kiba lah ban iaid tang da ka Ethanol ha ka jaka jong ka Petrol. Na ka liang jong ka Hero MotoCorp kan pyni paidbah ïa ka thuk thuk ba nyngkong jong ka kaba lah ban pyndonkam tang da ka ethanol (E100) ha ka 3 tarik u Jylliew, bud sa ka Maruti Suzuki ka ban pyni paidbah ïa ka kali kit nongleit nongwan ba nyngkong eh ha India kaba tip kum ka E100 ha ka 5 tarik u Jylliew, kaba ïahap bad ka sngi rakhe pynneh pynsah ïa ka mei mariang ha shityllup ka pyrthei.
Ym baroh ki kali ki lah ban iaid tang da ka Ethanol suda, hynrei ki Company pynmih kali kila hap ban shna kyrpang ia ki Engine kiba iadei bad kane ka umphniang (Ethanol). La iathuh ruh ba ki kali kiba iaid da ka Ethanol kin kham duna ka bor 27-30 % haba ia nujor bad kiba iaid da ka Petrol.