Ka India Meteorological Department (IMD) ha ka jingiathuh lypa (forecast) ia ka jinglong jingman jong ka suiñbneng kala pyntip ba ha kine ki khyndiat sngi jong ka taiew ka lah ban don ka jingjur jong u lapbah ba kiba bun ki bynta jong ka jylla Meghalaya bad kiwei de ki jylla jong ka thaiñ shateilam mihngi, kynthup ia ki bynta ba shathie jong ka ri India.
Ka IMD kala iathuh ba naduh ka 3-6 tarik mynta u bnai kan sa don ka jingjur jong u slap bud lang bad ka jingtied pyrthat bad ka jingbeh lyer kaba kot sha ka 40-50 km ha ka shikynta, lyngba ka jingwan beh jong ka lyer kit slap Southwest Monsoon. Kane ka kham kjah jur ia ka jylla Meghalaya bad ka jylla Assam ong ka IMD.