Ka kong Rida Shylla kawei na ki longkmie kaba pawkhmat bha ha East Jaintia Hills District, haba kren ha U Yutip, ka ong “Ka jingshah thngan u Predsident ka Jaintia Coal Owner & Miner Supplier Workers Association (JCOMSWA) kam dei ka jjingshah thngan jong u na ka bynta ka jingmyntoi shimet jonng u, hynrei ka dei na ka bynta jong ngi kiba don par Dewiong, kiba trei, kiba die Dewiong bad kiba im na kaba tih bad die Dewiong bad lada kane ka jingdawa jong ka JCOMSWA bad ka jigshah thngan u President jong ka kam seisoh, ma ngi ki longkmie bad ki khun ki ksiew jong ngi, ngin mih madan ym tang ban shah thngan, hynnrei ngin “BLOCK”khlem da buhpor bad ngin thiah ha u surok National High Way haduh ba ka sorkar kan da pynlait ia ngi ba ngin tih bad die dewiong kumba ka long ha shwa ki 12 snem mynshwa”.
Shuh shuh ka ong “ Ngin thiah ha u Surok National Hgh Way ai ba ki Truck bad ki Kali kiba iaid kiba ieng kin iuh bad pyniap ia ngi tangba ngin ym kynriah tat haduh ba ka Sorkar kan pynlait ia ngi ban tih bad ban die dewiong uba don ha ki jaka ki puta kiba ngi long trai ma ngi”. Ka kong Rida Shylla ka kyntu (Appeal) sha baroh ki longkmie jong ka East Jaintia Hills bad khamtam kito kiba don par Dewiong ban iasnoh-ktilang haduh ban da ioh ban tih bad die dewiong kumba ju long ha ki 12 snem mynshwa pynkut ka kong Rida Shylla haba kren ha U Yutip, ha Madanbol Ladrymbai Dongwah.