U wei u samla rangbah ba la tip kyrteng kum u Kyrshan Lamurong ba 34 snem ka rta, uba na ka shnong Tongseng Nongkhlieh, East Jaintia Hills District ula jah khlem wan phai ïing shuh naduh ka 15 tarik mynta u bnai (15/06/2026).
Ka khubor ba la phah la iathuh ba utei u Kyrshan Lamurong u dang iakren phone bad la ka lok bad ki khun ha katei ka sngi ha ka por 6-7 baje ei e. U la iathuh ba ha kata ka por u dang don ha lynti bad thmu ban leit phai sha la shnong, hynrei ia ka jaka ba u don u khlem iathuh ha kata ka por.
Kiba haïing kila iathuh ba ha ka por ba u mih na la ïing u phong ia ka jaket ba long stem bad jyrngam kumba paw ha ka dur ba la phah. U la mih da katei ka kali S-Presso kaba dang thymmai kaba wat tang u Registration Number ruh kam pat don.
Kumta na ka liang jong kiba haïing ki la leit ban buh da ka ejahar (FIR) mynta ka sngi ha Khliehriat Police Station, ban pyntip halor kane ka jingjia.