Ka Jaiñtia Tribal Trader’s Association (JTTA) mynta ka sngi 17 tarik u Jylliew hadien ka jingïalang paidbah na ka bynta kiba don permit ha District Council Iawmusiang ha Dorbar Hall barim jong ka shnong Dulong, Jowai kila leit tur kynsan sha ophis ka JHADC.
Kane ka jingleit tur jong ki ka long ban dawa jur na ka JHADC da kaba kren shai ba kim ailad satia ban plie ïa ka Iawmusiang Shopping Complex kaba la jan dep ban tei thymmai, katba ym pat lah satia ban pynbeit ïa ki jingdawa ka Association na ka bynta baroh kiba don permit hashwa ban pynkynriah shipor ïa ki sha Iawthymme Ladthadlaboh, Jowai.
Haba ïakren bad u President ma I. Najiar ula ong mynta ka sngi kila ïoh lad ban ïakren bad u EM ka JHADC ba dei peit ïa ka tnad Iew u ma Bisonroy Iano bad haka jingïakren hapdeng jong ki, u EM ula kloi ban shimkhia ïa kane ka jingdawa na ka bynta kitei ki Permit Holder.
Ka Jaiñtia Tribal Trader’s Association (JTTA) kala dawa jur na ka Council ba ha shwa ban plie ïa ka ïew baroh ki nongbat permit kiba shah pynkynriah ki dei ban ïoh ïa ki dukan ban shong die ha katei ka Iawmusiang Shopping Complex.
