Ki jaka rep jaka riang jong ki katto katne ngut ki nongrep na ka shnong Sahniang A, Saitthad bad Tum Tum, West Jaintia Hills District, kiba don ia ki jaka rep ki jong ki sha Shilliang ka Wahmyntang, ki la shah pynjulor bad pynjot dusmon, ha kaba ia kane ka jingshah pynjulor la lap da ki trai jaka hynnin ka step jong ka 24.08.2025.
Ki jingthung jingtep kiba la shah pynjulor ha kine ki jaka ki long naduh u Kba, u Shynrai, u Sying bad kiwei de.
Ha ka jingiadei bad kane na ka liang ki Waheh Shnong shnong bad Secretary shnong ki la dep ban ujor da ka FIR ha Raliang Police Station naduh hynnin hi ka sngi kata 24.08.2024 halor kane ka jingjia.
Ha ka jingiadei bad kane ka jingjia na ka liang ki trai jaka rep ki la suba ba la leh ia kane ka kam da ki katto katne ngut ki briew kiba na ka shnong Khatkhasla.
Na ka liang ki trai jaka ba shah pynjulor ia ki jingrep jingriang ki jong ki, ki la pynrem jur ia kino kino kiba donkti ha kane ka kam runar bad kyntu jur ruh ia ki Pulit ban shim khia ia kane ka kam, khnang ban lap ia kiba donkti ha kane ka kam bad ban pynshitom ia ki katkum ki kyndon aiñ.