Ka kynhun Myntri ha ka 27 tarik Naitung 2026 ka la mynjur ia ka policy ban thied Kali elektrik jong u snem 2026 bad ka sorkar ka pynshlur ia ki paidbah ban thied noh da ki Kali elektrik.
Haba kren bad ki lad pathai khubor u Myntri ba khmih ia ka tnad PHE u Marcuise N Marak u la iathuh ba Ka Kynhun Myntri ka mynjur ban ai iarap pisa kaba mar 25000 tyngka ia kino kino kiba thied ia ki kali electric bad ka bai registration ia ki kali ym donkam ban siew eiei.
Shuh shuh u la iathuh ruh ba palat 5000 ngut ki briew ha ka jylla ki la thied ia ki kali electric ha ka jylla. U la ong ruh ba ka sorkar ka la wanrah ia ka scrapt Policy na ka bynta ki kali rim ha u snem ba la dep bad uno uno uba wanrah ia ka syrnot ba ki la dep ban pynpra ne scrapt ia ki kali rim bad thied ia ka kali electric un ioh jingiarap pisa bad yn don ruh shibun ki jingiarap pisa lada ki paidbah ki thied ia kine ki kali.
Nalor Kata u la ong haba iadei bad ki charging point u la ong ba ka sorkar ka la buh lypa ia ki charging points bad lah ruh ban buh ia ki ha iing sah jong ki.