Ka jingïalehkai Quarter Final jong ka kyrdan 3rd Division bad ka 2nd Division 2026 League Stage bala pynïaid da ka East Jaiñtia Hills District Football Association (EJHDFA) kaba la long mynta ka sngi 4 tarik u Nailur, 2026 ha madan Artificial Ground Diengshynrum, Khliehriat.
Haba phai sha ka jingïakhun Quarter Final jong ka kyrdan 3rd Division hapdeng ka Moonongtdu SC bad ka Nongthymme SC kila poi sha ka jingïakhaid da mar shikol (1-1), ïa ka kol na ka Moonongtdu SC la thep da u Etilast Lyngdoh haka minit ba 80+2, ïa ka kol na ka Nongthymme SC la thep da u Berial Lapasam ha ka minit ba 78. Ki bor pynïaid hadien bala pynïakhun da ka jingïashut Tie Breaker ka Moonongtdu SC kala jop da 3-2 kol.
Katba haka jingïakhun Quarter Final jong ka kyrdan 2nd Division ka SWO Moosianglamare Old SC kala jop da 2-0 kol ïaka Narwan SCSC, ïa kitei ki kol na ka SWO Moosianglamare Old SC la thep da u Regency Lapasam haka minit ba 18 bad u Pyniar Pusein ha ka minit ba 53.
Lyngba kane ka jingjop jong ki, ki la ïoh rung sha ka Semi Final jong ka lympung ïalehkai 3rd Division & 2nd Division, haka juh ka por kine ki ar kynhun kila ïoh ban kiew kyrdan haka aiom ïalehkai ban wan (next season).