Kawei ka kali kit LPG ka la hap bakla na surok sha rud surok National Highway 6 ha ka shnong Wapung Shnong, East Jaiñtia Hills district. La iathuh ba katei ka jingjia ka la jia ha ka sngi Saitjain, 5 tarik Nailur 2026, ha ka por kumba 10:30 a.m.
Ym shym la don kano kano ka jingjia ba sngewsih ha katei ka jingjia. Hapoh ka trok la don tang uwei u nongñiah; u ba la mynsaw ha ki bynta ka kjat. Ka kyrteng jong une u nongñiah ka long u Milon Singh.
Mynta ka sngi, la pyndonkam ia san tylli ki kali (Recovery Van) ban pynkhyllie bad tan ia katei ka trok kaba la noh sha rud surok. Ki bor pynlip ding na Ladrymbai ruh ki la don lang, ha kaba saw ngut ki briew ki la don ha ka kam ban peitngor ia ka jinglong jingman ha ka por ba tan ia katei ka trok kit LPG.
Kane ka tanker ka dei kaba wan na Guwahati ban leit sha Agartala. La pyndonkam da ka kali Emergency Response Vehicle ban tan ia ka gas na ka trok kaba la julor ha ka jingjia aksiden sha kawei pat ka trok tanker.
