[Ka dur jong ka Iawmusiang Shopping Complex, Jowai: File Photo]
Ka Jaiñtia Tribal Trader’s Association (JTTA) lyngba u President ma I. Najiar bad u General Secretary ma A. Challam kila pyntip sha baroh ki nongshong ïew kiba don ïa ka permit ha District Council Iawmusiang, ha shwa ka jingpynkynriah ïa ka Iawmusiang sha Lad Stadium ba kin sngewbha ban wan sha ka jingïalang paidbah (General Meeting) jong ka Seng ka ban sa long ha ka Dorbar Hall barim jong ka shnong Dulong, Jowai.
Ïa kane ka jingïalang paidbah yn pynlong ha ka 17/06/2026 ha ka por 11:00 baje mynstep. Ki bynta ban kongsan ban ïakren ha kane ka meeting ka long halor ka Shithi jubab jong ka District Council ha kaba ïadei bad ka Iawmusiang Shopping Complex.
Kumta la kyntu ïa baroh kiba don bynta ba kin sngewbha ban wan khlem pep sha ka jingïalang, khnang ba yn lah ban shim ïa ka rai jong u ba bun ba lang, pynkut ka kyrwoh bala phah.