U Deputy Commissioner (Election), West Jaintia Hills la pyntip ba ka Election Commission of India ka la bthah ban pynlong ia ka Special Intensive Revision (SIR), 2026 jong ka Election Roll ha baroh ki Jylla. Kum shi bynta kane ka jingbthah, yn pynlong ia ka Special Intensive Revision (SIR), 2026 ha kine 5 tylli Assembly Constituencies hapoh West Jaintia Hills District:- 1- Nartiang Assembly Constituency , 2- Jowai Assembly Constituency , 3- Raliang Assembly Constituency , 4- Mowkaiaw Assembly Constituency bad 7- Amlarem Assembly Constituency.
Ki Booth Level Officers (BLOs) kin sa leit ia ki iing ki sem jong ki nongshnong (house to house enumeration) ban lum jintip jong ki naduh ka 30 tarik u Jylliew 2026 haduh ka 29 tarik u Naitung ,2026 bad kin sam ia ka Enumeration Form sha baroh ki nongthep vote kiba don kyrteng lypa ha ka Electoral Roll. Hadien ba la pyndap ia ka form, u BLO un lum ia kawei ka copy katba kawei pat yn bat da u nongthep vote hadien ba u la soi kyrteng kum ka dak ba u la pdiang ia ka.
Ia ki Enumeration Forms kiba la pynphai da ki BLO, ki Electoral Registration Officers (EROs) kin pynkhreh ia ka Draft Electoral Roll, kaban pynmih paidbah ha 5 tarik u Nailar, 2026.
Ki claims lane objections, lada don lah ban wanrah naduh 5 tarik u Nailar, 2026 haduh 4 tarik u Nailur 2026. Ka jingbishar bad ban pynbeit ia kine claims bad objections kan long naduh 5 tarik un Nailar,2026 haduh 3 tarik u Risaw, 2026.
Ka Final Electoral Roll, da kaba shim ia ka 01.10.2026 kum ka qualifying date, yn pynmih paidbah ha ka 7 tarik u Risaw, 2026.
U Deputy Commissioner u la kyrpad ia baroh ki paidbah ba kin ai ia ka jingiatreilang kaba pura bad ki Booth Level Officers (BLOs) ryngkat bad ka District Administration khnang ba ka Special Intensive Revision (SIR), 2026 kan long kaba iaid beit iaid ryntih bad ka jing jop.