U Deputy Commissioner ka West Jaintia Hills District u la pynmih ïa ka jingpynbna paidbah ba ka 8 tarik u Naitung (July) 2026 kan dei ka sngi shuti ha West Jaintia Hills District kaba dei shi bynta na ka jingrakhe ïa ka Behdeiñkhlam jong ka Seiñ Raij Jowai.
Ha katei ka sngi ba la kdew haneng baroh ki ophis sorkar (State govt), ki Revenue bad ki Magisterial Courts, ki Banks bad ki jaka pule baroh kiba don hapoh West Jaintia Hills ki dei ban khang lut.
Ka Sein Raij Jowai kan sa rakhe ïa ka shad Behdeiñkhlam ba saw sngi lai miet naduh ka 6 tarik u Naitung haduh ka 9 tarik u Naitung mynta ka snem. Ka lehniam Behdeiñkhlam ka dei kawei na ki jingngeit jong ki “Khon ka Niamtre”. Ka jingpynkhreh ïa ka Behdeiñkhlam ka la sdang naduh u bnai Lber (March) da ka jingpyndep ïa ki niam ki rukom da ki Khadsoo Wasan (Dalloi bad Wasan) ryngkat ki Kñi Kur.