Lashai ka 15 tarik u Nailar 2026 kan dei ka sngi rakhe burom ia ka jingdap 80 snem ka jingioh laitluid ka ri India na ka kti synshar ki nong Bilat (England).
Ha kaba iadei bad kane na ka liang ka sorkar jylla kala buh ia ki Myntri sorkar, bad ki MLA na ka bynta ban pynher ia ka lama lai rong ka ri bad ruh ban shim ia ka salute na ka kynhun parade jong ki khynnah skul, College bad na ka kynhun Pulit.
Katkum ka khubor sorkar bala pyllait la iathuh ba u Myntri Rangbah ka Jylla u Conrad K Sangma un sa shim bynta ban pynher ia ka lama bad shim ia ka salute ha nongbah Shillong.
Ha kiwei pat ki District Headquarter la buh ia u Deputy Chief Minister Prestone Tynsong ha Resubelpara, u Deputy Chief Minister ma Sniawbhalang Dhar ha Williamnagar, u Shongknor ka Iingdorbar u Thomas A Sangma ha Jowai, u Timothi D Shira ha Nongstoin, u ma Lahkmen Rymbui ha Tura, u ma Wailadmiki Shylla ha Khliehriat, u bah Metbah Lyngdoh ha Mairang, u Marcuise N Marak ha Nongpoh, u Brening A. Sangma ha Mawkyrwat, u Damanbait Lamare ha Baghmara, bad u bah Renikton Lyngdoh Tongkhar ha Ampati.
Na ka bynta ka jingrakhe ha ki 12 tylli ki Headquarter jong ki Sub-division ka jylla, la buh ia u Sanbor Shullai ha Sohra, u Nujorki Sungoh ha Amlarem, u Jim M Sangma ha Dadenggre, u Charles Marngar ha Pynursla, u Deputy Speaker Limison D. Sangma ha Raksamgre, u Dr Celestine Lyngdoh ha Mawshynrut, u Shakliar Warjri ha Ranikor, u Gavin Miguel Mylliem ha Patharkhmat, u Arbinstone B. Marak ha Rongjeng, u Rupert Momin ha Jengjal, u Ian Botham K Sangma ha Chokpot bad u Subir Marak ha Dalu.
Na ka bynta ka Hima Shangpung, kaba hap hapoh ka Laskein Community and Rural Development Block, i Dr. M. Ampareen Lyngdoh in pynher ia ka lama bad shim ia ka salute.
Ka khubor sorkar kala pyntip ba lada jia ba ki Nongmihkhmat paidbah kim lah ban poi ne shim ia ka prokram kumta ki DC lane ki SDO (Civil) lane ki BDO jong kato ka thaiñ ki hap ban shimti ia ka kam.