Satang 4 sngi tam eiei ka jingkanbas elekshon ka la kut bad ka sngi thep vote kan long ha ka 19 tarik mynta u bnai bad shano ki nongthep vote ka Rilum Jaiñtia kin noh?
Ha Rilum Jaiñtia ki don 7 tylli ki Assembly Constituency bad ka jingbun jong ki Nongthep vote ha kawei pa kawei ka Constituency ki long ha ka 1-Nartiang Assembly Constituency ki nongthep vote ki don baroh haduh 45,375 ngut. Ki shynrang ki don 22,328 ngut bad ki kynthei 23,047 ngut. Ha ka 2-Jowai A.C ki don baroh 41,345, ki shynrang ki don 19,464 ngut bad ki kynthei 21,881 ngut. Ka 3-Raliang AC ki nongthep vote ki don baroh 40,019 ngut, ki shynrang 19,001 ngut bad ki kynthei 21,018 ngut. Ha ka 4-Mookaiaw AC, ki nongthep vote ki don baroh 39,445 ngut, ki shynrang 19,400 ngut bad ki kynthei 20,045 ngut, 5-Sutnga- Saipung Assembly ki don kumba 47,904 hajar ngut. Ha ka 6-Rymbai-Khliehriat AC ki nongthep vote baroh ki don 49,041 ngut, ki shynrang 23,794 ngut bad ki kynthei 25,247 ngut. Ha ka 7-Amlarem AC, ki nongthep vote ki don baroh 39,358 ngut, ki shynrang 19,180 ngut bad ki kynthei 20,178 ngut.
Ha kane ka elekshon MP na 1-Shillong Parliamentary seat ki don haduh 6 ngut ki Nongialeh ha kane ka Elekshon MP, u ma Vincent H. Pala na ka Congress (INC), ka Dr. Mazel Ampareen na ka National People’s Party (NPP), u bah Robertjone Kharjahrin na ka Regional Democratic Alliance (RDA), u Dr. Ricky Andrew J Syngkon na ka Voice of the People’s Party (VPP) bad arngut ki Kyrtongshimet lane ki Independent candidate ba kynthup ia u Prof. Lakhon Kma bad u Peter Shallam.