Ka ophis jong u Superintendent of Police, Fire and Emergency Services, Shillong kala pyntip paidbah ba ka Telephone number jong ka Fire and Emergency Services kaba la pynmih ha ki katto katne ki kot khubor hapoh ka column “Important Phone Numbers” ka dei ka bym treikam shuh.
Na ka liang ka sorkar kala buh da ka number 112 kum ka Emergency Helpline Number hapoh ka Emergency Response Support System (ERSS), kumba long lem ki number jong ki Police – 100, Fire – 101, Ambulance – 108 bad kiwei.
La pyntip ba nangne shakhmat ka Meghalaya Fire and Emergency Services lah ban phone ha u number 112 bad ka landline number 2520400.